Despois de transcorridos más de tres anos desde que os colexios de enxeñaría en informática solicitasen ao Goberno que procedese á creación do Consello Xeral de Colexios Profesionais de Enxeñaría en Informática, baseándose na ley 2/1974 que no apartado 4 do artigo cuarto dí "Cuando estén constituidos varios Colegios de la misma profesión de ámbito inferior al nacional existirá un Consejo General", a principios de xaneiro deste mesmo ano, o Grupo Parlamentario Popular presentaba as correspondentes Proposicións de Ley.
Agora, dous meses e medio máis tarde, o Grupo Socialista ven de presentar unhas novas proposicións que deixan desconcertado ao CPEIG. Máis aínda cando a data de presentación das mesmas coincide exactamente coa data na que expiraba o prazo que o Regulamento da Cámara estipula para que o Goberno presentase alegacións no caso de que as proposicións afectasen aos Presupostos Xerais do Estado.
No canto de dar apoio ás proposicións presentadas polo Grupo Popular e que xa levan dous meses de trámite, o Grupo Socialista presenta unhas novas cuia única diferenza se atopa na eliminación da seguinte disposición transitoria:
"En el plazo de seis meses el Gobierno procederá a la modificación del Real Decreto 1029/2002, de 4 de octubre, por el que se establece la composición y el régimen de funcionamiento del Consejo Asesor de las Telecomunicaciones y de la Sociedad de la Información, para garantizar una presencia justa y ecuánime de los Colegios Profesionales de Ingeniería en Informática."
O que o CPEIG, á espera de recibir explicacións acerca desta maniobra política, interpreta como moi negativo xa que o único que fan estas novas propostas é eliminar algo que se considera irrenunciable ao mesmo tempo que dilatan o trámite das xa presentadas anteriormente.