Nos últimos meses, The Pirate Bay experimentou un forte aumento das visitas ao seu sitio, polo que tivo que actualizar o seu parque de servidores. Paralelamente, os seus responsables instalaron unha ferramenta que lle permite obter unha visión de conxunto, en tempo real, sobre a orixe das visitas.
É interesante observar que o 37,8 por cento das conexións proveñen dende China, con 7 millóns de visitantes, número que o sitúa no primeiro lugar da lista. O dato é sorprendente, tendo en conta que as autoridades chinesas bloquearon o acceso a The Pirate Bay.
No país de orixe de The Pirate Bay, Suecia, o número de visitantes é menor, que representa o 0,8% do tráfico total, con 250.000 usuarios.
Entre os usuarios de The Pirate Bay, o 5,38%, equivalente a 1.099 usuarios conectados, proveñen de España.
Para o caso de América Latina, o mapa mostra os seguintes países máis activos:
- México: 0,17 (36 usuarios conectados)
- Brasil: 0,67 (138 usuarios conectados)
- Arxentina: 0,38 (79 usuarios conectados)
- Chile: 0,27 (56 usuarios conectados)
O resto dos países latinoamericanos presenta índices mínimos de usuarios, polo que no "mapa térmico de pirataría", aparecen marcados cun cristal de xeo.
Por agora, o mapa é algo rudimentario, pero un representante de TPB, que se identifica como "TiAMO", anunciou novas funcións. Entre outras cousas, no mapa será posible ver a velocidade media de carga e descarga nas distintas rexións, á parte de que material prefiren descargar.
O mapa en cuestión pode ser consultado neste sitio.