ANoite.gal

Vídeo 10 aniversario

Beneficios colexiais

Revista da Enxeñaría Informática

Libros do colexio

  • 1 mes 1 profesión dixital 2016

Iniciativa do colexio

Boletin CPEIG

Apúntate ao boletín do colexio

Internet será o primeiro soporte publicitario de Reino Unido a finais de ano

Google será a empresa máis beneficiada polo cambio de tendencia.

InternetAs previsións sobre o futuro de Internet poderíanse estar a cumprir antes do esperado. Polo menos no Reino Unido, onde segundo unha consultora, este medio interactivo superará en ingresos publicitarios á televisión a finais deste ano.

O alto custo dos espazos na televisión e noutros medios tradicionais como os xornais, unido á universalización de Internet e as súas maiores posibilidades, fixeron que os anunciantes cambien de soporte e aposten pola Rede.

As webs de e-comercio españolas suspenden en prestacións

España saca os peores datos en dispoñibilidade, índice de éxito da transacción e tempo de execución da transacción.

O Instituto independente da medida da calidade percibida polos servizos dixitais, ip-label, publicou os resultados da súa comparativa realizada en España, Alemaña, Bélxica, Francia e os Países Baixos sobre as prestacións das principais páxinas webs de e-comercio.

Un informe do que se desprende que España ten un índice de éxito de acceso de apenas o 98 por cento, mentres que en Francia é lixeiramente superior ao 99,8 por cento: de cada 1.000 internautas, só dous atopan dificultades na web. Así mesmo, as webs españolas rexistran unha degradación das súas prestacións no índice de éxito transaccional: sobre 100 compradores potenciais, dous non chegan a facer o pedido aínda que o desexen. Ademais, o peso das páxinas en España non variou notablemente nos diferentes trimestres analizados, pero a pesar de non ser páxinas moi pesadas o acceso a estas é lento.

Mancomún presenta en Europa o seu modelo de interoperabilidade

Mancomún participa en Bruxelas na presentación do Centro Europeo de Interoperabilidade Semántica, Semic.eu.

Logotipo de mancomúnO Centro de Referencia e Servizos de Software Libre de Galicia, Mancomún, participa en Bruxelas na presentación do Centro Europeo de Interoperabilidade Semántica, Semic.eu. Este será o primeiro dunha serie de actos promovidos polo IDABC para compartir o modelo exemplar en materia de interoperabilidade entre administracións públicas que representa o centro galego.

Mancomún estará representado polo seu coordinador, Xesús Benítez Baleato, en calidade de membro do Grupo de Expertos da IDABC, grazas ao convite expreso das institucións europeas, que amosaron o seu interese pola actividade do centro no eido do Software Libre. Será o único representante do Estado Español no evento deste martes 17 en Bruxelas, onde se presentarán 25 proxectos de toda Europa.

O colexio asiste ao acto de presentación do primeiro informe do Observatorio da Lingua Galega

O colexio participou activamente nos panéis de escoita que celebrou o observatorio para a valoración cualitativa da situación da lingua galega.

Logotipo do Observatorio da Lingua GalegaO colexio asistiu ao acto de presentación do primeiro informe do Observatorio da Lingua Galega, organismo co cal o CPEIG colaborou activamente participando nun panel de escoita sobre o galego no eido das TIC.

Durante o acto presentouse a situación do galego no ámbito das TIC mediante datos relativos á cidadanía, á empresa, á Administración e aos produtos de software.

O colexio asiste á presentación do IDC de Ferrol

O centro, que formará parte do Centro Tecnolóxico do Naval de Galicia, prestará servizos ao empresariado galego nun dos sectores industriais máis importantes de galicia.

O IDC de Ferrol é un centro de realidade virtual de alto nivel creado para o desenvolvemento de actividades de I+D e a prestación de servizos avanzados ao empresariado galego do sector naval.

Aínda que a infraestructura está dirixida primordialmente a cubrir as necesidades do empresariado galego do sector naval, o estudo de viabilidade prevé que parte da súa actividade sairase dese ámbito. O patrimonio, a museísitca, a medicina, a formación, o entretemento, a ordenación do territorio, a construcción e as obras públicas, serán sectores tamén sbordados polo IDC Galicia.

Todos os concellos terán administración electrónica en 2009

No ano 2009, a totalidade dos procedementos administrativos dos concellos galegos poderanse tramitar electronicamente.

Logotipo da Administración electrónicaAsí o anunciou a directora xeral de Administración Local, Begoña Rodríguez Rumbo, que deu conta das actuacións levadas a cabo polo Goberno para impulsar a administración electrónica nos concellos.

Segundo a directora xeral, para este exercicio 2008, o seu departamento afronta "unha fase que entende como decisiva" da implantación da administración electrónica nos concellos e que se reflicte en tres actuacións fundamentais: unha análise pormenorizada da situación dos concellos para "implementar métodos de actuación e dotacións específicas", o desenvolvemento dunha plataforma informática específica que permita as relacións administrativas Xunta-Concello de xeito telemático e, por último, dotar a todos os concellos galegos do equipamento informático necesario para materializar a administración dixital.

A Asociación de Internautas recorre a LISI ante a Comisión

A organización asegura que a norma permite a "censura gubernativa" no comercio electrónico.

A organización asegura que a norma permite a "censura gubernativa" no comercio electrónico.

Europa sementou o xerme dunha regulación xurídica para os blogs. A Comisión Europea de Cultura aprobou o pasado 3 de xuño unha resolución na que avoga por un marco regulador para as bitácoras, nel contémplase un "etiquetado voluntario" que informe sobre a identidade do autor, os seus intereses políticos ou sociais e a responsabilidade social deste. A resolución, que se enmarca no Informe sobre a concentración e o pluralismo dos medios de comunicación na Unión Europea, será debatida no Parlamento Europeo o próximo mes de setembro.

"A enmenda é unha cuestión voluntaria. En Internet non existe a seguridade de que a información sexa certa", asegura a eurodiputada socialista María Badía quen considera que "o exceso de información" é unha das causas que promoven a intoxicación da Rede. De aí, que constituír un censo voluntario de bloggers poida xerar un efecto de confianza no lector: "xa que temos un exceso de información, inténtase procurar que os usuarios poidan saber quen son as fontes", argumenta Badía quen destaca que dito informe foi presentado por Marianne Mikko, eurodiputada de Estonia. A nacionalidade de Mikko pode ser unha das claves para entender a orixe desta proposta, posto que o fluxo de información que circulou entre Estonia e Rusia sempre foi posto en cuestión por motivos históricos e as súas prolongadas crises diplomáticas.

Estréase o ‘Finis Terrae’, base do futuro Cesga

Ao acto de presentación asistiron o Presidente e o Secretario do colexio, que aproveitaron o evento para debater con diferentes membros do contorno institucional, académico e científico.

Logotipo do Cesga

A Consellería de Innovación e Industria presentou o pasado xoves 12 de xuño en Santiago o supercomputador Finis Terrae, o de maior memoria compartida de Europa, que entrou en funcionamento o pasado 1 de abril. A Xunta de Galicia investiu 61 millóns no supercomputador e na nova sede do centro en Santiago.

A actividade en probas do supercomputador comezou o pasado 17 de xaneiro, e este período estendeuse ata finais do mes de marzo, entrando xa en pleno funcionamento o día 1 de abril.

Google recibirá o Premio Príncipe de Asturias de Comunicación e Humanidades

A Wikipedia tamén concorreu nos Príncipe de Asturias.

Xurado dos premios Príncipe de AsturiasO xurado do Premio Príncipe de Asturias de Comunicación e Humanidades decidiu que o galardón deste ano recaerá sobre Google a proposta de José Luis Pardos (embaixador de España e gran divulgador da Internet).

Para premiar a Google tívose en conta tanto a labor da empresa organizando a información mundial publicada na web e facéndoa máis accesible universalmente, como a labor filantrópica emprendida dende a súa filial Google.org (que dedica parte dos beneficios da empresa para o desenvolvemento de proxectos medioambientais).

Necesítanse máis enxeñeiros informáticos e cada día hai menos estudantes

Existe unha falta de titulados en Enxeñaría Informática. As ofertas que buscan este perfil son cada vez maiores.

Logotipo Enxeñeria en InformáticaAs ofertas que buscan este perfil son cada vez maiores e as empresas teñen, cada día máis, problemas á hora de atopar profesionais do sector, debido á falta de titulados. Segundo datos deste ano da consultora de recursos humanos Adecco, as profesións asociadas ao sector TIC son as máis solicitadas polas compañías.

Segundo un informe recentemente presentado pola Fundación Observatorio para a Sociedade da Información de Cataluña (FOBSIC), a un 35% das empresas do sector sempre lle custa atopar traballadores cualificados do sector TIC.