Beneficios colexiais

Video Presentación CPEIG

Revista da Enxeñaría Informática

Libros do colexio

  • Historia da Informática en Galicia

Iniciativa do colexio

Boletin CPEIG

Apúntate ao boletín do colexio

Riscos e vantaxes das novas tecnoloxías e obradoiros para grandes e pequenos, o venres en ourense da man de Rapaciñ@s

  • Xornada para nais e pais para previr riscos na Internet organizada polo CPEIG e Amtega, coa colaboración do Concello de Ourense e o Centro de Coñecemento “La Molinera”
  • Nenos e nenas de entre 8 e 14 anos poderán participar en diferentes obradoiros
  • Cómpre inscrición previa en https://www.ticketea.com/entradas-taller-rapacinos-ourense/

Logo Rapaciñ@s

O vindeiro venres, 20 de maio, o Centro de Coñecemento “La Molinera”, sito na rúa Bebedoiro da cidade de Ourense, acollerá a xornada Rapaciñ@s, impulsada polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega). Colaboran o Concello de Ourense e o Centro “La Molinera”. O horario do evento, que é gratuíto, vai de 18.30 H. a 19.30H.

Dous traballos do Colexio Sagrado Corazón de Pontevedra gañan o concurso de programación de Rapaciñ@s

Logo Rapaciñ@s

Dous traballos presentados por alumnado de 1º da ESO do Colexio Sagrado Corazón de Pontevedra resultaron gañadores da primeira edición do concurso de programación organizado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) no marco do evento tecnolóxico Rapaciñ@s.

Os proxectos consisten en historias sobre o Día das Letras Galegas en formato story telling e utilizando a ferramenta Scracht. O colexio recibirá dous kits de robótica como premios a cada un dos traballos. 

O CPEIG recoñece a empresa NLPgo e o seu traballo a prol da lingüística co Premio Iniciativa Emprendedora

O colexiado Mario Barcala coordina a firma, que ten sede en Ames

Logo CPEIG

O Colexio Profesional de Enxeñaría en Informática de Galicia (CPEIG) vén de fallar o seu "Premio Iniciativa Emprendedora", do que resultou gañadora a empresa NLPgo. A entrega do galardón será o 3 de xuño, dentro da celebración da "Noite da Enxeñaría en Informática de Galicia", durante a cal se celebrarán os premios anuais do CPEIG.

Xornada Ciberdelitos e outros asuntos telemáticos.

Venres 20 de Maio de 17:00 a 20:00.

Logo CPEIG

O Colexio Profesional de Enxeñaría en Informática de Galicia (CPEIG) organiza unha Xornada xudicial na Escola Galega de Administración Pública (EGAP) o vindeiro 20 de maio de 17:00 a 20:00, en Santiago de Compostela.

Esta actividade divulgativa busca informar e concienciar dos avances tecnolóxicos en materia probatoria e sobre as novas plataformas que o xulgado pon ao servizo dos profesionais relacionados con ese ámbito.

A actividade está orientada, por unha banda aos profesionais TIC, especialmente peritos informáticos para que poidan coñecer máis detalles legais que poden afectar ao seu labor e, por outra banda a profesionais da xustiza, xuristas que necesitan estar ao tanto dos cambios que a tecnoloxía xera na nosa sociedade e como consecuencia no noso día a día.

Rapaciñ@s chega á súa segunda edición con novas actividades

  • O evento organizado polo Colexio Profesional de Enxeñaría en Informática de Galicia desenvolverase o 14 de maio na Cidade da Cultura, con charla para pais e nais, obradoiros infantís e un concurso para centros de ensino
  • O obxectivo é promover un uso seguro da Internet por parte dos máis novos e potenciar a creatividade tecnolóxica

Logo Rapaciñ@s

A Cidade da Cultura acollerá o vindeiro 14 de maio a segunda edición de Rapaciñ@s: a tecnoloxía ben segura, unha iniciativa posta en marcha polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega). Trátase dun evento que combina actividades para pais e nenos ao redor da seguridade na Internet e a creatividade nas novas tecnoloxías. Este ano, ademais, convocouse un concurso de programación para centros de ensino co Día das Letras Galegas como temática.

Constituído o Grupo de Traballo Fegamp-profesionais TIC das EELL de Galicia

O CPEIG forma parte dun novo instrumento a prol da profesión

Logo CPEIG

O pasado 31 de marzo constituíuse o  “Grupo de Traballo  Fegamp-profesionais TIC das Entidades Locais de Galicia”, un novo instrumento ao servizo da profesión que suporá un impulso para a mellora na carreira laboral dos responsables tecnolóxicos do eido local. 

Entre os acordos acadados na xuntanza de constitución, cómpre destacar que se realizarán contactos desde a Fegamp para tratar de que estean representadas as catro deputacións provinciais na correspondente comisión. 

Convócanse dúas asembleas xerais do colexio

A Xunta de Goberno do colexio convoca dúa asembleas xerais que se celebrarán o sábado 21 do mes de maio.

logo asemblea xeral 2016

A primeira asemblea, de carácter extraordinario, ten como finalidade aprobar unha serie de modificacións sobre os estatutos do colexio .

A segunda asemblea, de carácter ordinario, céntrase na aprobación da memoria anual de actividades, das contas, dos orzamentos, das cotas de colexiación, e a aprobación de Colexiados de Honra.

O sitio web do CPEIG dispón dunha sección específica sobre estas asembleas na cal se poden descargar toda a documentación sobre as mesmas.

Charla sobre Prevención da Fraude Dixital

O director global de Negocio Ciberseguridad de Prosegur, Isaac Gutiérrez Gómez, impartirá o relatorio, nun acto organizado polo CPEIG e Prosegur

Logo CPEIG

O Colexio Profesional de Enxeñaría en Informática de Galicia, en colaboración con Prosegur, organizou para o vindeiro 12 de maio unha charla sobre prevención da fraude dixital. O relatorio correrá a cargo do director global de Negocio Ciberseguridad Prosegur, Isaac Gutiérrez Gómez.

A sesión, dirixida especialmente ao ámbito empresarial, vai ter lugar na Hospedería San Martín Pinario, en Santiago de Compostela, a partir das 18.30 horas. As persoas interesadas en asistir poden inscribirse no enderezo eventos@cpeig.org.

O CPEIG convoca un concurso de programación para centros de ensino

A iniciativa, desenvolvida en colaboración coa Amtega, enmárcase no evento Rapaciñ@s: a tecnoloxía ben segura

Logo Rapaciñ@s

O Colexio Profesional de Enxeñaría en Informática de Galicia (CPEIG) vén de abrir o prazo para presentarse ao concurso de programación sobre o Día das Letras Galegas organizado no marco do evento tecnolóxico Rapaciñ@s: a tecnoloxía ben segura. A iniciativa, dirixida ao alumnado de centros de ensino galego, desenvólvese en colaboración coa Amtega co obxectivo de promover o uso das ferramentas tecnolóxicas entre os máis novos.