Beneficios colexiais

Video IX A Noite

Video Presentación CPEIG

Revista da Enxeñaría Informática

Libros do colexio

  • Situación Laboral Enxeñerías Informática 2008

Iniciativa do colexio

Boletin CPEIG

Apúntate ao boletín do colexio

Convócanse a segunda edición dos Premios Clúster TIC Galicia

Empresas e profesionais poderán optar aos galardóns en seis categorías: Innovación, Internacionalización, Liderado TIC, Start-ups, Software Libre e Márketing Dixital.

Logotipo do Cluster TIC

Coa finalidade de recoñecer o traballo de todos os axentes comprometidos co desenvolvemento do tecido produtivo baseado na Sociedade da Información convócanse a segunda edición dos Premios Clúster TIC Galicia. Con esta iniciativa, quérese pór de relevo ante a sociedade o labor das empresas e profesionais que deseñan, programan, desenvolven, implantan ou usan produtos ou servizos galegos que teñen na innovación e no uso das novas tecnoloxías a súa razón de ser.

Convocada a quinta edición do premio de postais de Nadal do CPEIG

A nena ou neno gañador recibirá unha tableta e a súa obra será a felicitación oficial do Colexio para estas festas
Nadal 2015

O CPEIG convoca, por quinto ano consecutivo, o concurso de postais de Nadal, dirixido a nenos e nenas que estean a cursar Infantil ou Primaria, teñan un máximo de 13 anos de idade e sexan familiares das persoas colexiadas. O prazo  para presentarse ao certame ábrese o día 17 de novembro e rematará o día 8 de decembro. A obra gañadora será a felicitación oficial do Colexio para estas festas.

O CPEIG amosa a súa satisfacción pola inclusión da Axenda Dixital nas prioridades do novo goberno

O Colexio agarda que o Ministerio de Enerxía, Turismo e Axenda Dixital lle dea un impulso á Sociedade da Información

Alvaro Nadal

O Colexio Profesional de Enxeñaría en Informática de Galicia (CPEIG) valora moi positivamente a creación do novo Ministerio de Enerxía, Turismo e Axenda Dixital, anunciado onte, xoves 3 de novembro,  polo presidente do Goberno, Mariano Rajoy.

A inclusión da Axenda Dixital no nome da carteira ministerial de novo cuño interprétaa como a incorporación das cuestións relacionadas co sector TI dentro das prioridades do novo Executivo.

O CPEIG e a Amtega levan o programa “Rapaciñ@s, a tecnoloxía ben segura” a seis cidades e vilas no mes de outubro

O obxectivo é promover un uso seguro da Internet por parte dos máis novos e potenciar a creatividade tecnolóxica

Logo Rapaciñ@s

“Rapaciñ@s: a tecnoloxía ben segura” é unha iniciativa posta en marcha polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega). O programa, que desenvolve xa a segunda edición, visitará parte de Galicia nos vindeiros días con charlas informativas a cargo das colexiadas e colexiados do CPEIG, e obradoiros infantís baseados na tecnoloxía.

O CPEIG patrocina a game jam do CIVE 2016, que se celebra a vindeira semana en Pontevedra

A inscrición para o maratón de desenvolvemento segue aberta

Logo CPEIG

A sexta edición do Congreso de Videoxogos e Creación CIVE 2016 terá lugar a vindeira semana en Pontevedra entre os días 25 e 28. Dentro do evento, está previsto un maratón de desenvolvemento, unha game jam, que o CPEIG patrocina e no que actuará de xurado. 

No marco da game jam, os participantes deseñarán e desenvolverán videoxogos (Serius Games) que non só sirvan para entreter, senón que ademais poidan informar, formar, denunciar e simular. Cómpre lembrar que unha game jam é un evento que consiste no desenvolvemento rápido de videoxogos, onde os participantes se reúnen en pequenos equipos de xeito improvisado e espontáneo para desenvolver un proxecto nun período de tempo moi limitado, competindo uns equipos contra os outros.

O CPEIG asina un contrato con Andavira Editora para distribuír o libro “Historia da Informática en Galicia”

As persoas colexiadas só terán que pagar os gastos de envío ou recollelos de forma gratuita na ESEI, na FIC ou na sede do CPEIG, namentres que o prezo de venda ao público é de 30 euros

Andavira

O Colexio Profesional de Enxeñaría en Informática de Galicia (CPEIG) asinou recentemente un contrato coa empresa Andavira Editora S.L. para distribuír o libro “Historia da Informática en Galicia. Unha cronoloxía”. 

Ao abeiro do acordo firmado por Lucila Ventoso Casais, directora de Andavira Editora S.L., e Fernando Suárez, presidente do CPEIG, o prezo de venda do libro queda fixado en 30 euros, incluído o IVE. As persoas e entidades interesadas no volume poden solicitalo a través do correo electrónico  info@andavira.com. 

A Robótica centrará o novo faladoiro dixital organizado polo CPEIG e a AMTEGA

  • A xornada desenvolverase o 18 de outubro na aula CeMIT de Lugo, no marco da campaña de divulgación e difusión de novos perfís profesionais na era dixital
  • A asistencia é de balde, previa inscrición

Logo CPEIG

Lugo acolle o vindeiro 18 de outubro o novo faladoiro dixital organizado polo Colexio Profesional de Enxeñaría en Informática de Galicia (CPEIG) e a Axencia para Modernización Tecnolóxica de Galicia (Amtega) no marco da campaña de divulgación e difusión de novos perfís profesionais na era dixital. O encontro centrarase na robótica e desenvolverase na aula CeMIT da cidade, situada na Praza do Castiñeiro, de 10.00 a 14.00 horas.

Tras a benvida institucional, a cargo dun representante do CPEIG, daráselle paso ás intervencións do profesor titular da Universidade de Vigo, José Ignacio Armesto; do xerente e director comercial de Unimate Robótica, Cástor González, e de Hugo Barreiro, coordinador de ASIME 4.0 (Asociación de Industriais Metalúrxicos de Galicia). Un debate aberto ao público pechará este faladoiro dixital ao redor da robótica. 

O CPEIG modera este sábado unha mesa redonda sobre o uso axeitado das novas tecnoloxías por parte das persoas con discapacidade

O Hostal dos Reis Católicos acolle a xornada organizada pola Fundación Mapfre e Down Compostela

Logo CPEIG

A Escola de Familias da Fundación Mapfre, en colaboración con Down Compostela, organiza o sábado día 8, en Santiago de Compostela, unha xornada para reflexionar sobre a necesidade de incorporar á vida cotiá das persoas con discapacidade o uso das tecnoloxías da comunicación e analizar como estas contribúen a favorecer a súa autonomía e vida independente. A xornada desenvolverase no Hostal do Reis Católicos de 09.00 a 13.45 horas. A entrada é libre previa inscrición. Máis información: http://www.downcompostela.org.

A Real Academia Galega das Ciencias convida os nosos colexiados a asistiren aos actos do “Día Da Ciencia”

Homenaxe ao químico Ignacio Ribas e premio para o xornalista Raúl Romar

Logo CPEIG

A Real Academia Galega das Ciencias (RAGC) organizará o vindeiro sábado 8 de outubro o “Día da Ciencia”, un evento no que renderá homenaxe a Ignacio Ribas, distinguido como Científico Galego 2016, e no que se lle entregará un premio ao xornalista Raúl Romar. Trátase dun acto público que terá lugar na Aula Magna da Facultade de Química, no Campus Vida, na Universidade de Santiago de Compostela. Expresamente están convidadas/os todas as colexiados e colexiadas do CPEIG a través do propio presidente da RAGC, Miguel Ángel Ríos González.

A Internet das Cousas centrará un novo faladoiro dixital organizado pola AMTEGA e o CPEIG en Vigo

A xornada terá lugar o día 28 de setembro na sede de Gradiant

Logo CPEIG

Un novo faladoiro dixital organizado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) desenvolverase o vindeiro 28 de setembro dentro da campaña de divulgación e difusión de novos perfís profesionais na era  dixital. A xornada abordará a Internet das cousas (IoT nas súas siglas en inglés) coa participación de expertos na materia e desenvolverase na sede de Centro Tecnolóxico de Telecomunicacións de Galicia  Gradiant, no Edificio CITEXVI, local 14, sito no Campus Universitario de Vigo.