Beneficios colexiais

Video Presentación CPEIG

Revista da Enxeñaría Informática

Libros do colexio

  • Situación Laboral Nacional de los profesionales TI

Iniciativa do colexio

Boletin CPEIG

Apúntate ao boletín do colexio

A Real Academia Galega das Ciencias convida os nosos colexiados a asistiren aos actos do “Día Da Ciencia”

Homenaxe ao químico Ignacio Ribas e premio para o xornalista Raúl Romar

Logo CPEIG

A Real Academia Galega das Ciencias (RAGC) organizará o vindeiro sábado 8 de outubro o “Día da Ciencia”, un evento no que renderá homenaxe a Ignacio Ribas, distinguido como Científico Galego 2016, e no que se lle entregará un premio ao xornalista Raúl Romar. Trátase dun acto público que terá lugar na Aula Magna da Facultade de Química, no Campus Vida, na Universidade de Santiago de Compostela. Expresamente están convidadas/os todas as colexiados e colexiadas do CPEIG a través do propio presidente da RAGC, Miguel Ángel Ríos González.

A Internet das Cousas centrará un novo faladoiro dixital organizado pola AMTEGA e o CPEIG en Vigo

A xornada terá lugar o día 28 de setembro na sede de Gradiant

Logo CPEIG

Un novo faladoiro dixital organizado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) desenvolverase o vindeiro 28 de setembro dentro da campaña de divulgación e difusión de novos perfís profesionais na era  dixital. A xornada abordará a Internet das cousas (IoT nas súas siglas en inglés) coa participación de expertos na materia e desenvolverase na sede de Centro Tecnolóxico de Telecomunicacións de Galicia  Gradiant, no Edificio CITEXVI, local 14, sito no Campus Universitario de Vigo.

O CPEIG participou no CEDI, o congreso español máis relevante sobre Informática, que tivo lugar en Salamanca

Entre outras cuestións, abordouse o rol dos colexios profesionais na Enxeñaría

CEDI

O presidente do CPEIG, Fernando Suárez, vén de participar  nunha mesa redonda na V Edición do Congreso Español de Informática, que se  celebrou do 13 ao 16 de setembro na cidade de Salamanca.  Suárez, quen tamén é vicepresidente do Consello Xeral de Colexios Profesionais de Enxeñaría Informática (CCII nas siglas en castelán), interveu na mesa redonda sobre o rol dos colexios profesionais na Enxeñaría en Informática.

O CPEIG reuniu máis de 80 persoas nunha Xornada sobre Ciberseguridade

O faladoiro dixital contou con relatores expertos do Incibe e de empresas punteiras

Logo CPEIG

Santiago de Compostela, 21 de setembro de 2016.- Un novo faladoiro dixital organizado polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega) tivo lugar esta mañá dentro da campaña de divulgación e difusión de novos perfís profesionais na era dixital. Os relatores convidados abordaron a ciberseguridade no Salón 1 do Edificio CINC da Cidade da Cultura en Santiago de Compostela. Máis de 80 inscritos seguiron a xornada.

A Ciberseguridade, a análise nun novo faladoiro dixital, con expertos do INCIBE e de empresas punteiras

  • A xornada forma parte da campaña de divulgación e difusión de novos perfís profesionais na era dixital
  • A asistencia é de balde previa inscrición en eventos@cpeig.gal

Logo CPEIG

Un novo faladoiro dixital organizado polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega) desenvolverase o vindeiro 21 de setembro dentro da campaña de divulgación e difusión de novos perfís profesionais na era dixital. O encontro, que abordará a ciberseguridade coa participación de expertos na materia, desenvolverase no Edificio CINC da Cidade da Cultura en Santiago de Compostela, de 09.45H. a 14.00H.

A Fundación Vodafone selecciona seis proxectos de emprendemento en Galicia

O CPEIG anima as colexiadas e colexiados a participaren na convocatoria

Fundacion Vodafone

A Fundación Vodafone España realizou a primeira convocatoria para emprendedores do programa “Vodafone Connecting for Good Galicia”, na que o CPEIG anima as colexiadas e colexiados a que participen. A Fundación Vodafone España, co apoio da Xunta de Galicia e Vodafone, pretende apoiar a emprendedores e PEMES de recente creación cuxos proxectos de negocio contribúan á innovación social a través do impulso e uso das tecnoloxías da información e comunicación en Galicia. 

Fernando Suárez dálles a benvida ás novas promocións da ESEI e preséntalles as vantaxes da colexiación

O presidente do CPEIG asistiu ao acto de acollida do alumnado o pasado 9 de setembro

Benvida ESEI 2016

O presidente do Colexio Profesional de Enxeñaría en Informática de Galicia (CPEIG), Fernando Suárez Lorenzo, participou o pasado 9 de setembro no acto de acollida ás novas promocións da Escola Superior de Enxeñaría Informática (ESEI) da Universidade de Vigo, no campus de Ourense, convidado polo director, Francisco Javier Rodríguez Martínez, á súa vez tesoureiro do Colexio.

Suárez Lorenzo referiuse ao elevado nivel de inserción laboral dos estudos de Informática e falou polo miúdo das vantaxes da colexiación. Apoiouse, así,  na “forza da unión”, para facerlle ver ao alumnado a importancia dunha organización “moderna, transparente e participativa. Un ente que defende e representa o título e a profesión á procura da regulación da mesma”.

GaliciaTIC analizará a transformación dixital para unha competencia global co CPEIG como colaborador

Xa te podes inscribir no evento, que terá lugar o 22 de setembro

Logo GaliciaTIC

A organización do evento GaliciaTIC -que  terá lugar o día 22 de setembro na Cidade da Cultura, en Santiago de Compostela, baixo o lema “Transformación dixital para unha competencia global"- conta, entre as entidades colaboradoras, co Colexio Profesional de Enxeñaría en Informática de Galicia (CPEIG). 

Podes consultar o programa e realizar a inscrición a tráves do enlace http://galiciatic.com ou descargando a app en Android e IOS. Coma colexiada/o podes acollerte ás vantaxes das que nos beneficiamos como entidade colaboradora.

O CPEIG conta con novos estatutos para velar pola nosa profesión

O DOG publicou o pasado 9 de agosto o decreto que aproba os novos textos

Logo CPEIG

O Diario Oficial de Galicia (DOG) publicou o pasado día 9 de agosto o Decreto 100/2016, do 7 de xullo, polo que se aproban os estatutos do Colexio Profesional de Enxeñaría en Informática de Galicia (CPEIG). Trátase da materialización do acordo acadado en distintas asembleas xerais, a última delas celebrada o 21 de maio  do presente ano, para a modificación dos estatutos, que foron presentados no seu día na Vicepresidencia e Consellería de Presidencia, Administracións Públicas e Xustiza do Goberno galego.

Xa tes á túa disposición o número 10 da revista TIG@

Inclúe unha ampla reportaxe sobre a “Noite da Enxeñaría en Informática”

TIG@

O CPEIG vén de publicar, en formato electrónico, un novo número da revista TIG@. Trátase da décima entrega da publicación, que ten periodicidade cuadrimestral. Podes lela en https://issuu.com/cpeig/docs/tig__num_10/0.