ANoite.gal

Vídeo 10 aniversario

Beneficios colexiais

Revista da Enxeñaría Informática

Libros do colexio

  • Jornada Calidad Software Galicia

Iniciativa do colexio

Boletin CPEIG

Apúntate ao boletín do colexio

O CPEIG colabora e impulsa a xornada do CESGA no Día Internacional das Rapazas nas TIC que se celebrará o vindeiro 26 de abril

DíaInternacionaldasRapazasnasTIC

 

 

No Día Internacional das Rapazas nas TIC,o CPEIG impulsa e colabora co Centro de Supercomputación de Galicia (Cesga) na xornada que se celebrará o vindeiro 26 de abril na súa sede. É unha efeméride de ámbito internacional creada para motivar ás novas xeracións de mozas para que consideren as TIC como un ámbito axeitado para o seu desenvolvemento académico, investigador e profesional. 

Recomendamos á sociedade un uso “responsable” dos datos persoais que fai públicos cos dispositivos no Día da Internet das Cousas

Fernando Suárez, presidente: “As pulseiras de control deportivo ou reloxos intelixentes poden ser unha fonte de ataques á privacidade e á seguridade dos cidadáns”

logo 10

Con motivo do Día Internacional da Internet das Cousas (https://www.iotday.org), organizado hoxe luns, 9 de abril, polo IOT Council, o Colexio Profesional de Enxeñaría en Informática de Galicia (CPEIG) considera de vital importancia que a sociedade galega sexa consciente dos dispositivos da Internet das Cousas que emprega e faga un uso responsable e seguro dos mesmos de cara o envío de datos persoais e a súa publicación en Internet.

Patrocinio do congreso de lanzamento do PMI Galicia Spain Chapter

Patrocinamos o I Congreso do PMI Galicia Spain Chapter​ que se celebra hoxe na Cidade da Cultura de Galicia​ en Santiago de Compostela (Auditorio 1 CINC). O obxecto do evento é promover e desenvolver as boas prácticas da dirección e xestión de proxectos, nas súas distintas áreas de aplicación no ámbito galego, baixo o enfoque de PMI (Professional Management International). O presidente, Fernando Suárez​, participará nunha mesa redonda sobre a profesión de xestión de proxectos xunto a outros expertos. 

Presentación dun recurso contra un proceso selectivo por non requirir a titulación de Enxeñaría en Informática

A Orde indica que para acceder a esta praza funcionarial é preciso estar en posesión ou en condicións de obter o título de licenciado ou graduado nunha titulación de calquera rama

logo CPEIG

O Colexio de Enxeñaría en Informática de Galicia (CPEIG) presentou un recurso de reposición contra a Orde do 1 de marzo de 2018 pola que se convoca o proceso selectivo para o ingreso no corpo superior da Administración xeral da Comunidade Autónoma de Galicia, no subgrupo A1 de escala de sistemas e tencoloxía da información.

Colaboramos coa IV edición local da Olimpíada Internacional de Robótica que se celebrará o 30 de xuño na Cidade da Cultura

WRO 2018

O próximo 30 de xuño, de 9:00 a 15:00 horas, celebrarase a IV edición local da WRO, Olimpíada Internacional de Robótica, na Cidade da Cultura no Gaiás, iniciativa organizada polo CPEIG, FEGAMP e Arkitas Robótica. 

CPEIG, Fegamp e Amtega organizaron unha xornada sobre a nova normativa de protección de datos destinada a concellos

O encontro, que se desenvolveu no Edificio Cersia de Santiago, contou coa participación dun centenar de técnicos
Xornada Lei Protección de Datos

O Colexio de Enxeñaría en Informática de Galicia (CPEIG) organizou unha xornada técnica e divulgativa sobre o impacto do regulamento xeral de protección de datos sobre a actividade dos concellos e Administracións Públicas, organizada en colaboración coa Federación Galega de Municipios e Provincias (Fegamp) e a Axencia para a Modernización Tecnolóxica (Amtega). Celebrouse durante a mañá no Edificio Cersia de Santiago de Compostela. O encontro, no que participaron un centenar de técnicos, foi inaugurado pola directora da Amtega, Mar Pereira; o vicepresidente executivo da Fegamp, Manuel Mirás; e o presidente do CPEIG, Fernando Suárez.

O CPEIG organiza coa Fegamp e Amtega unha xornada sobre a nova normativa de protección de datos para concellos

Celebrarase o 23 de marzo no Edificio Cersia de Santiago
Xornada Fegamp Protección de Datos

O Colexio de Enxeñaría en Informática de Galicia (CPEIG) organizará o vindeiro venres, 23 de marzo, unha xornada técnica e divulgativa sobre o impacto do regulamento xeral de protección de datos sobre a actividade dos concellos e Administracións Públicas, organizada en colaboración coa Federación Galega de Municipios e Provincias (Fegamp) e a Axencia para a Modernización Tecnolóxica (Amtega). Celebrarase de 9:30 a 14:30 horas no Edificio Cersia de Santiago de Compostela (rúa do Alcalde Raimundo López Pol). O encontro será inaugurado pola directora da Amtega, Mar Pereira; o vicepresidente executivo da Fegamp, Manuel Mirás; e o presidente do CPEIG, Fernando Suárez

O CPEIG impartiu unha charla sobre os criterios para educar aos rapaces na era das novas tecnoloxías no Colegio Junior´s

O presidente do Colexio profesional, Fernando Suárez, comentou os principais perigos da rede, como o ciberbullyng, grooming, phising ou fraude, virus, contidos desapropiados e falsos, correos lixo e a violación da privacidade. Destinada a pais e nais de alumnos do centro, celebrouse no mes de marzo

O presidente do Colexio Profesional de Enxeñaría en Informática de Galicia (CPEIG), Fernando Suárez, impartiu o 9 de marzo unha charla no Colegio Junior´s de Santiago de Compostela (Roxos - Silvouta 81), titulada “Educar na era das pantallas”. 

 

Foro tecnolóxico: “25 anos da Rede en Galicia”

Foro tecnolóxicoO diario tecnolóxico de Galicia, Código Cero, celebrou os “25 anos da Rede en Galicia” cun foro tecnolóxico en Compostela co que colaboramos desde o CPEIG. Foi o 12 de marzo no Auditorio 2 do Centro de Innovación Cultural (Edificio CINC) da Cidade da Cultura de Galicia en Santiago de Compostela. 

O CPEIG convoca o Premio Fin de Carreira e Máster en Enxeñaría Informática cunha dotación económica de 1.000 euros

Os tres finalistas, seleccionados por unha comisión experta, beneficiaranse dun ano de colexiación gratuíta. Poderanse presentar traballos ata o 10 de maio e o premio entregarase no marco da "Noite da Enxeñaría en Informática de Galicia", que se celebrará o 15 de xuño en Santiago de Compostela
IX Premio Fin de Carreira/Máster

O Colexio Profesional de Enxeñaría en Informática de Galicia (CPEIG) convoca a novena edición do Premio Proxecto Fin de Carreira e Máster en Enxeñaría Informática. O galardón quere ser un estímulo para os estudantes e recentemente titulados en Enxeñaría en Informática ou Máster en Enxeñaría Informática. 

Tal e como se recolle nas bases do certame, poden concorrer ao premio todas aquelas enxeñeiras e enxeñeiros en informática que presentaran nunha universidade galega o proxecto fin de carreira da Enxeñaría en Informática ou o traballo fin de Máster en Enxeñaría Informática nos anos 2016, 2017 e 2018. Aqueles estudantes que queiran optar ao premio do CPEIG poden remitir a documentación precisa  (ficha resumo do proxecto, resumo  e memoria completa do mesmo) ata o día 10 de maio ao seguinte enderezo electrónico: informacion@cpeig.gal. As bases e o formulario para presentar a candidatura están xa dispoñibles no portal www.cpeig.gal.