Beneficios colexiais

Revista da Enxeñaría Informática

Libros do colexio

  • Situación Laboral Enxeñerías Informática 2008

Vídeo 10 aniversario

Iniciativa do colexio

Boletin CPEIG

Apúntate ao boletín do colexio

O CPEIG participa no debate sobre a adaptación ao EEES na UDC

A sesión, organizada polos Representantes de Estudantes tivo lugar no salón de actos da Facultade de Informática.

Logotipo da UDCRepresentantes do CPEIG participaron onte nunha asamblea sobre a transformación en grado dos títulos actuais. A reunión tiña carácter
aberto co fin de contar con todas aquelas persoas que quixeran escoitar ou comentar algo sobre este importante tema: persoal de administración e servizos, persoal docente e investigador, e alumnos. Cabe destacar a presencia de membros da Comisión Encargada da Transformación en Grao dos títulos Actuais, entre os que figuraban o Decano da Facultade e distintos directores de Departamento. Estes representantes mostraron os distintos puntos de vista e opinións sobre todas estas cuestións.

O CPEIG participa na presentación do primeiro informe de seguimento do PEGSI 2007-2010

“supuxo un antes e un despois no desenvolvemento da Sociedade da Información en Galiza”

Quintana e Blanco presentando o balance do PEGSIO vicepresidente da Xunta, Anxo Quintana, e mailo conselleiro de Innovación e Industria, Fernando Blanco, veñen de presentar de xeito conxunto o primeiro informe de seguimento do Plano Estratéxico Galego da Sociedade da Información (PEGSI 2007-2010) que, segundo palabras de Quintana, “supuxo un antes e un despois no desenvolvemento da Sociedade da Información en Galiza” ó contar, por primeira vez, cunha estratexia para a implantación das TIC no país.

Durante o acto de presentación, Quintana salientou que o PEGSI é a ferramenta que está a permitir que en Galicia se mude “a economía do cemento pola economía do coñecemento”, algo fundamental para crear un modelo económico sólido que nos protexa dos vaivéns da economía internacional e que estea altamente diversificado, “relativizando así o peso da construción como motor da economía”.

Mancomún celebra o seu segundo ano convertido nunha referencia

A proxección da inIciativa superou as fronteiras estatais e estará presente en diferentes programas europeos.

Mancomún.org, o proxecto de Innovación e Industria para a difusión do software libre cumpre dous anos superando con creces os logros acadados no seu primeiro ano de existencia.Logotipo de Mancomun

O portal foi escollido pola Unión Europea como a principal referencia do estado para conformar o grupo de expertos que asesorará a Comisión Europea na posta en marcha do OSOR, repositorio paneuropeo de Software Libre. Tamén participará como socio no proxecto SEMIC, o Observatorio Europeo de Interoperabilidade Semántica.

O sector das TIC segue a gañar peso na economía do país

O OGSI publica os resultados da enquisa ás empresas do sector TIC.

O Observatorio Galego da Sociedade da Información (OGSI) publica un amplo estudo sobre as empresas do sector das tecnoloxías da información e da comunicación en Galiza. O traballo, "Enquisa a Empresas do sector TIC sobre a Sociedade da Información en Galiza no ano 2007",Observatorio Galego de Sociedade da Información forma parte dunha iniciativa para medir o impacto do PEGSI na sociedade galega.

No documento constátase que as actividades relacionadas coas TIC están a gañar peso na economía do país. Así, a cifra media de negocios do sector situouse no ano 2006 por riba de 1,9 millóns de euros, cun crecemento do 17,4% con respecto ao ano anterior. A actividade principal é o desenvolvemento de produtos software, seguido de servizos de consultaría e software, integración de sistemas de información e, finalmente, servizos de mantemento e outsourcing.

A maioría das pequenas e medianas empresas non cumplen a lei de protección de datos

Só o 12% cumpre a normativa pero, segundo a Axencia de Protección de Datos, aínda que cada vez son máis.

Barbarías, dentistas, xestorías, hoteis e outras pequenas e medianas empresas (pymes) gardan datos persoais de clientes e empregados cun case total descoñecemento de como xestionarlos e protexelos.Logotipo de la Agencia Española de Protección de Datos

Dos tres millóns de pymes españolas, o 80% teñen datos de clientes, proveedores, empregados e contactos, segundo o Estudo sobre incidencias e necesidades de seguridade nas pequenas e medianas empresas españolas, realizado polo Instituto Nacional de Tecnoloxías da Comunicación (Inteco). A maioría afirman coñecer a existencia dunha normativa, pero poucas a aplican.

Supercomputador Finisterrae

O superordenador reservará parte da súa capacidade para dar aceso aos retos de investigadores de todo o mundo.

O supercomputador Finisterrae, que ten a súa sede no Centro de Supercomputación de GaliciaSupercomputador Finisterrae (Cesga), comezará a colaborar nos mellores proxectos que presente a comunidade científica internacional. Segundo explicou o director do Cesga, Xavier García Tobío, vaise constituír un comité de acceso para darlles entrada a "proxectos vip".

En declaracións a La Voz de Galicia, García Tobío asegura que "se alguén ten un proxecto que dende o punto de vista científico computacional sexa de alto interese para a ciencia, reservarémoslle unha parte da máquina ata que o remate na súa totalidade e sen necesidade de esperar cola". Os investigadores elixidos terán catro millóns de horas de cálculo ao ano, o 20% da capacidade do Finisterrae.

Búscanse 25.000 enxeñeiros

O sector das novas tecnoloxías loita contra o déficit de profesionais contratándoos en orixe.

O sector das novas tecnoloxías loita contra o déficit de profesionais contratándoos en orixe

A denuncia non é nova: faltan profesionais no sector das novas tecnoloxías; e faltan moitos. Segundo a Asociación de Empresas de Tecnoloxías da Información e Comunicacións de España (AETIC), neste momento existe un déficit de 10.000 traballadores de alta cualificación, máis outros 15.000 con perfís medios e baixos. Nos próximos cinco anos, as empresas españolas precisarán de 30.000 enxeñeiros de Telecomunicacións.

Con todo, en 2006 as universidades españolas só produciron 13.700 licenciados en áreas do sector, dos que 2.100 eran telecos. O ano pasado, a Universidade Politécnica de Madrid recibiu 961 solicitudes de emprego para os seus estudantes, mentres que o curso 2005/06 pechouse con 322 titulados. A carencia é tal que un 58% dos estudantes están traballando antes de terminar a carreira.

Microsoft retira a súa oferta para comprar Yahoo!

O xigante informático Microsoft abandonou as negociacións para poder comprar a Yahoo! despois que estas fracasen.

Logotipo de Yahoo

Microsoft ofrecera 33 dólares por acción a Yahoo! que rexeitou dita oferta e situou o prezo da acción en 37 dólares.

O presidente executivo de Microsoft, Steve Ballmer explicou que "tras unha coidadosa consideración, cremos que as cifras demandadas por Yahoo! non teñen sentido para nós, e é o mellor para os accionistas de Microsoft, os seus empregados e outros accionistas que retiremos a nosa proposta".

Pola súa banda, o presidente de Yahoo!, Roy Bostock dixo que a compañía cría que a oferta de Microsoft a subvaloraba e que a xunta "estaba satisfeita con que tantos dos nosos accionistas unísenllenos ao expresar esa postura". Bostock dixo que Yahoo! estaba buscando "oportunidades estratéxicas".

A SGAE carga contra as compañías de ADSL

As acusacións van desde lucrarse coas descargas "ilegais" ata dar un pésimo servizo.

Á Sociedade Xeral de Autores e Editores (SGAE) non lle gusta a actitude das compañías telefónicas e de acceso a Internet. Pensan que llo levan morto á conta das descargas sen que os autores das obras reciban nada a cambio. O presidente do Consello de Dirección da entidade, Eduardo Bautista, deixouno onte moi claro. Se Telefónica, Vodafone ou Jazztel fan diñeiro non é pola calidade de de voz e datos que ofrecen senón polas descargas "ilegais" (as comiñas son súas) de obras protexidas como películas ilegais.

"Os abonados de Telefónica, Vodafone ou Jazztel pensan que as descargas sáenlle gratis, pero non é así, porque pagan por un servizo, moito máis lento, máis caro e de peor calidade que o acceso a ADSL da o media europea. O que ocorre que estas compañías o que venden en realidade é a posibilidade de baixarse obras protexidas legalmente sen ningún tipo de control", dixo Bautista.

Convocado un concurso para webs con dominio .es

O concurso encádrase dentro das celebracións do Día de Internet.

Con motivo do Día de Internet, que terá lugar o vindeiro día 17 de maio, a entidade Red.es, dependente do Ministerio de Industria, Turismo e Comercio, está a preparar (como vén sendLogotipo de red.eso habitual nos últimos anos) diferentes actividades para conmemorar a chegada da Rede de Redes ás nosas vidas, entre as que cabe destacar a convocatoria dun concurso para webs con dominio .es que inclúan artigos sobre a temática: Como as Tecnoloxías da Información e a Comunicación (TIC) me axudaron a integrarme na sociedade; como melloraron a miña calidade de vida.

Nel poderán participar tódalas páxinas con dominio .es tales como webs, blogs, miniblogs, fotoblogs, videoblogs, wikis ou calquera outro formato que estean enfocadas a algún dos tres colectivos aos que se dirixe o devandito concurso: maiores de 65 anos, inmigrantes e persoas discapacitadas.