Beneficios colexiais

Revista da Enxeñaría Informática

Libros do colexio

  • Guia LOPD docentes

Vídeo 10 aniversario

Iniciativa do colexio

Boletin CPEIG

Apúntate ao boletín do colexio

O español xa é o terceiro idioma máis falado en Internet

O informe sinala que o español incrementou a súa presenza un 300% dende o ano 2000.

O Informe anual 2007 "A Sociedade en Rede" do Observatorio Nacional das Telecomunicacións eImaxe da letra Ñ da Sociedade da Información (ONTSI) de Red.es, sinala que o español incrementou a súa presenza un 300% dende o ano 2000 e xa é o terceiro idioma na Rede, con 100 millóns de usuarios que falan en español. Así mesmo, constátase que o 88% dos fogares españois con Internet dispón de conexión con Banda Ancha, superando a media europea, e 22 millóns de cidadáns de máis de 10 de anos accederon nalgunha ocasión á Rede.

Estes datos sobre o crecemento indican que en España no ano 2007 a metade dos fogares tiveron acceso a Internet. De todas estas conexións, as realizadas con Banda Ancha alcanzaron o 41,5%. O gasto total en servizos TIC situouse a finais de 2007 por enriba dos 3000 millóns de euros ao trimestre, cun incremento interanual do 9,1% no último trimestre.

O presidente da ICANN asegura que haberá novos dominios para 2009

Máis preto o .gal?.

Paul Twomey durante a cerimonia inaugural do encontro da ICANN en ParísEntre o 22 e o 26 deste mes tivo lugar en París un encontro internacional da ICANN no que se discute o futuro dos dominios de Internet, que parece moi prometedor a tenor das declaracións do presidente da organización, Paul Twomey, que nunha entrevista a Les Echos asegurou que "aparte de .com, .net ou .org, a partir do primeiro trimestre de 2009, os 1,3 millóns de internautas poderán adquirir enderezos de Internet baseados en palabras comúns coma .amor, .odio ou .cidade ou nomes propios".

Cómpre destacar que estas declaracións son bastante esaxeradas, xa que ICANN non pensa abrir totalmente os dominios de Internet de primeiro nivel, senón que flexibilizarán as condicións para conceder estes dominios a entidades que se encargarían da súa xestión.

Bill Gates despediuse de Microsoft cun emotivo discurso

Dixo Gates: "Non haberá un día na miña vida na que non pense en Microsoft".

Gates acompañado por Ballmer durante o seu discurso de despedidaFinalmente hoxe foi o día no que Bill Gates dixo adeus a Microsoft, dedicando unhas palabras aos traballadores da empresa no que case foi un discurso lacrimóxeno, durante o que a voz do fundador da compañía creada en 1975 tremeu en varias ocasións.

A intervención de Gates foi curta, e se notou especialmente afectado cando dixo que "non haberá un día na miña vida na que non pense en Microsoft, nas grandes cousas que estamos a facer", mentres que Steve Ballmer agradecía a súa dedicación a Gates: "Non hai xeito de dicir grazas a Bill. Bill é o fundador. Bill é o líder. Este é o bebé de Bill".

Ecoloxistas contra o Wi-Fi en escolas, edificios públicos e centros de traballo

Ecoloxistas en Acción publicou unha reportaxe sobre as antenas Wi-Fi.

A ONG Ecoloxistas en Acción vén de publicar no último número da súa revista, El Ecologista, unha reportaxe sobre a implantación de antenas Wi-Fi en España na que mostra a súa preocupación polos altos índices de "contaminación electromagnética que xeran estes dispositivos", que, "incluso respectando os límites actuais de seguridade, poden producir problemas moi graves de saúde".

A organización basea as súas declaracións no informe BioInitiative Report, presentado en setembro de 2007 por un grupo internacional de científicos investigadores e profesionais da saúde pública, e recomenda substituír a tecnoloxía sen fíos empregada en centros de ensino, edificios públicos, universidades e ambientes laborais por sistemas de cableado tradicionais tales como ADSL de cableado coaxial ou fibra óptica.

Segundo vén de explicar esta ONG, a proliferación do Wi-Fi "provocou un uso maior de tecnoloxías baseadas nas radiofrecuencias e microondas para a súa conexión sen fíos" o que resulta máis perigoso para a saúde dos internautas.

Máster en Consultoría de Software Libre da Universidade de Vigo

O máster é de gran interese para os/as profesionais da Enxeñaría en Informática. O prazo de preinscrición está aberto desde o 1 de xullo e remata o 14 de agosto.

Logo da Universidade de VigoNos últimos anos maniféstase en todo o mundo un crecente interese polo desenvolvemento e implantación de solucións de software libre no ámbito empresarial.

Que o software libre é un modelo interesante e válido para a empresa o confirma o feito de que grandes empresas como Sun Microsystems, IBM, Novell, HP e outras están realizando grandes investimentos e orientando os seus modelos de negocio cara a esta vía.

A constatación de que existía unha necesidade formativa e de mercado que non se estaba a cubrir, levaron a que a ESEI apostara e propuxera a implantación deste Máster en Consultoría de Software Libre

O colexio asiste ao acto de fin de carreira da Facultade de Informática da Universidade da Coruña

Este ano remataron os seus estudoss a décima promoción de Enxeñaría en Informática e a primeira promoción do Máster en Informática.

Logotipo da UDCO pasado sábado 28 de xuño celebrouse no salón de actos da Facultade de Informática da Universidade da Coruña o acto de despedida dos/das recén titulados/as en Enxñaría en Informática e no Máster en Informática.

Á celebración os xa ex-alumnos e ex-alumnas asistiron coas súas mellores galas e acompañados de numerosos familiares e amigos.

En representación do CPEIG, asistiron o Presidente e o Secretario do colexio. Por parte da Universidade da Coruña asistiron o Rector e o Decano da Facultade de Informática.

Entra en vigor o novo canon dixital

O novo canon supón un importante incremento das achegas polas entidades de xestión de dereitos de autor.

Taboa precios canón dixitalCon varios meses de retraso finalmente o polémico canon dixital aparece no Boletín Oficial do Estado, de xeito que a partir deste venres está en vigor cun cambio de tarifas que nos casos nos que xa se aplicaba ata o momento non cambiou (ou incluso reduce a súa contía) pero incorpora novos soportes gravados pola compensación por copia privada, o que supón un importante incremento das achegas polas entidades de xestión de dereitos de autor.

Agora os CD e DVD terán que soportar un gravame de 0,17 e 0,44 euros, mentres que as gravadores pagarán 0,60 e 3,40 euros segundo os soportes utilizados; as impresoras de tinta tamén pagarán 7,95 euros, as láser 10 euros, os scanners 9 euros e, como novos soportes gravados polo canon temos as memorias USB (0,30 euros), as unidades autónomas de almacenamento (12 euros), os reprodutores multimedia (3,15 euros) e os móbiles con reprodución multimedia (1,1 euros).

Internet será o primeiro soporte publicitario de Reino Unido a finais de ano

Google será a empresa máis beneficiada polo cambio de tendencia.

InternetAs previsións sobre o futuro de Internet poderíanse estar a cumprir antes do esperado. Polo menos no Reino Unido, onde segundo unha consultora, este medio interactivo superará en ingresos publicitarios á televisión a finais deste ano.

O alto custo dos espazos na televisión e noutros medios tradicionais como os xornais, unido á universalización de Internet e as súas maiores posibilidades, fixeron que os anunciantes cambien de soporte e aposten pola Rede.

As webs de e-comercio españolas suspenden en prestacións

España saca os peores datos en dispoñibilidade, índice de éxito da transacción e tempo de execución da transacción.

O Instituto independente da medida da calidade percibida polos servizos dixitais, ip-label, publicou os resultados da súa comparativa realizada en España, Alemaña, Bélxica, Francia e os Países Baixos sobre as prestacións das principais páxinas webs de e-comercio.

Un informe do que se desprende que España ten un índice de éxito de acceso de apenas o 98 por cento, mentres que en Francia é lixeiramente superior ao 99,8 por cento: de cada 1.000 internautas, só dous atopan dificultades na web. Así mesmo, as webs españolas rexistran unha degradación das súas prestacións no índice de éxito transaccional: sobre 100 compradores potenciais, dous non chegan a facer o pedido aínda que o desexen. Ademais, o peso das páxinas en España non variou notablemente nos diferentes trimestres analizados, pero a pesar de non ser páxinas moi pesadas o acceso a estas é lento.

Mancomún presenta en Europa o seu modelo de interoperabilidade

Mancomún participa en Bruxelas na presentación do Centro Europeo de Interoperabilidade Semántica, Semic.eu.

Logotipo de mancomúnO Centro de Referencia e Servizos de Software Libre de Galicia, Mancomún, participa en Bruxelas na presentación do Centro Europeo de Interoperabilidade Semántica, Semic.eu. Este será o primeiro dunha serie de actos promovidos polo IDABC para compartir o modelo exemplar en materia de interoperabilidade entre administracións públicas que representa o centro galego.

Mancomún estará representado polo seu coordinador, Xesús Benítez Baleato, en calidade de membro do Grupo de Expertos da IDABC, grazas ao convite expreso das institucións europeas, que amosaron o seu interese pola actividade do centro no eido do Software Libre. Será o único representante do Estado Español no evento deste martes 17 en Bruxelas, onde se presentarán 25 proxectos de toda Europa.