ANoite.gal

Beneficios colexiais

Revista da Enxeñaría Informática

Libros do colexio

  • Empresa, protección de datos y Administración Electrónica
    Empresa, protección de datos y Administración Electrónica

Vídeo 10 aniversario

Iniciativa do colexio

Boletin CPEIG

Apúntate ao boletín do colexio

Máster en Informática da Universidade da Coruña

O máster está patrocinado polas empresas Altia e Tecnocom.

Logotipo da Universidade da CoruñaDesde o 1 de xullo e ata o 14 de agosto está aberto o prazo de pre-matriculación do Máster en Informática da Universidade da Coruña.

As listas de admitidos publicaranse entre o 15 de agosto e o 8 de setembro. O prazo de reclamacións e do 9 ao 11 de setembro e as listas definitivas publicaranse o 15 de setembro.

No sitio web da Facultade de Informática pode atoparse máis información sobre este Máster.

Google lánzase contra Wikipedia

O primeiro buscador da Rede presenta Knol, a súa "ciberenciclopedia" con anuncios. Os expertos desconfían do poder acumulado pola compañía.

Logotipo de GoogleChega a nova aventura de Google. O buscador máis utilizado de Internet, cunha cota do 95% en España e o 61% no mundo, lanza Knol, unha enciclopedia electrónica. O proxecto, que está aínda en fase de depuración, competirá con Wikipedia pola atención da curiosidade insaciable dos internautas.

Knol é a forma curta de knowledge -coñecemento, en inglés-, é o nome do proxecto e tamén de cada unha das entradas. Xa hai varios centos de knols.

Madrid acollerá o próximo 25 de setembro o 'Día do programador' de Google

É a primeira vez que unha cidade española acolle esta convención internacional de desenvolvedores.

Logotipo de GoogleMadrid acollerá o próximo 25 de setembro o 'Día do programador' de Google, unha actividade organizada pola compañía norteamericana que inclúe coloquios, conferencias e talleres de programación, entre outras actividades.

Os responsables de Google elixiron por primeira vez unha cidade española para acoller a este evento, que xa se celebrou en nove ocasións.

O formato de documento PDF xa é estándar universal

ISO 32000-1 equivale á versión PDF 1.7 - Adobe cedeuno ao organismo de estandarizaciónen xaneiro de 2007, que a partir de agora o actualizará.

O formato PDF xa é unha norma ISO. O organismo internacional de estandarización publicou a principios de xullo as especificacións de ISO 32000-1, que equivale á versión 1.7 de PDF, a última realizada pola multinacional estadounidense Adobe Systems, desenvolvedor de Acrobat, Illustrator e Photoshop. A partir de agora, calquera actualización do formato corresponderá ao grupo de traballo con sede en Xenebra (Suíza) que define e desenvolve os estándares técnicos mundiais.

Xa existían subconxuntos de PDF normalizados, pero que só garantían o acceso a longo prazo dun documento (PDF/x) ou a posibilidade de imprimilo en calquera impresora con independencia do seu fabricante (PDF/A). Agora, a norma ISO 32000-1 dá acceso a todas as funcionalidades do formato. Entre elas, destacan a preservación do documento con independencia do aparato e a plataforma. A capacidade de mesturar contidos de diferentes fontes de audio, vídeo, animación, fotografías...; a súa edición colaborativa multiplataforma; o uso da sinatura electrónica autenticada e mecanismos de seguridade para preservar o contido mediante contrasinais ou DRM, de maneira que o seu emisor controle quen accede a el remotamente. Ademais, é unha norma que cumpre as recomendacións de accesibilidade; permite transformar o documento a outros formatos de texto e imaxe e incorpora etiquetaxe XML para a súa integración nos sistemas empresariais.

Andalucía e Galicia colaboran no impulso da Administración Electrónica

A Junta de Andalucía realizará unha cesión indefinida e sen cargo para a Xunta de Galicia co compromiso de dirixir actuacións encamiñadas a achegar a administración electrónica.

A Junta de Andalucía chegou a un acordo coa Xunta de Galicia polo que aLogotipo da Administración electrónica Concejería de Justicia y Administración Pública cederá as súas plataformas tecnolóxicas de Administración Electrónica, o que fará posible que a Administración galega se sume aos sistemas de xestión desenvolvidos en Andalucía.
As ferramentas permiten unificar a xestión dos documentos recibidos por internet e por outras canles de atención, entre elas a presencial, ademais de dispoñer dunha ferramenta informática de notificación para unha mellor comunicación cos seus usuarios.

Presentan en Compostela a Enciclopedia Galega Universal en Internet

Esta nova obra virtual está na súa fase beta 1.0 e xa ofrece máis de 200.000 entradas actualizadas, 20.000 mapas, 50.000 fotografías, material didáctico para profesores e alumnos, ademais de varios xogos e concurso.

A Enciclopedia Galega Universal en Internet de Ir Indo vén de presentarsePáxina web da enciclopedia galega oficialmente en Santiago de Compostela, polo que o proxecto dirixido por Bieito Ledo encamiñado a difundir a través da web toda a información posible referente ao coñecemento universal na nosa lingua xa é unha realidade.

Cómpre destacar que a nova páxina web incorpora tecnoloxía text-to-speech achegada por Verbio, que permite a lectura a viva voz das entradas máis curtas, facilitando así a accesibilidade a persoas con problemas de visión.

Innovación e Industria aposta pola implantación do SwL entre o colectivo de autónomos galegos

A Consellaría promocionará o uso do Software Libre entre o colectivo de traballadores autónomos.

A Consellaría de Innovación e Industria promocionará o uso do Software LibreLogotipo da Consellería de Innovación e Industria entre o colectivo de traballadores autónomos galegos, subvencionando a adquisición de ordenadores persoais con ferramentas de tecnoloxía aberta, especialmente no referente ás aplicacións ofimáticas e de acceso á internet (Linux, Firefox e OpenOffice).

Con esta medida, dotada cun orzamento próximo a un 1,7 milóns de euros, o goberno galego quere incrementar a presenza das tecnoloxías abertas entre o tecido empresarial galego como forma viable para o seu desenvolvemento sostible. A iniciativa enmárcase dentro das estratexias operativas do PEGSI 2007-2010, deseñado pola Consellaría de Innovación e Industria.

Detectan e corrixen un importante fallo de seguridade en servidores de DNS

O fallo podería permitir a suplantación de páxinas web.

O especialistas en seguridade informática Dan Kaminsky, de IO Active, detectou hai 6 meses un fallo de seguridade nos sistemas de DNS que controlan os nomes de dominio na Internet que podería permitir a suplantación de páxinas web (o que facilitaría o phishing) e, lonxe de publicar a vulnerabilidade descuberta, colaborou con diversas empresas para solucionala, e agora informan de que xa están dispoñibles os parches que evitan este problema, de xeito que se adiantan á aparición de técnicas que aproveiten o fallo de seguridade para enganar a usuarios da Internet.

Para que os internautas poidan comprobar se son vulnerables ao fallo detectado poden visitar unha web creada para tal efecto, doxpara.com, onde se fan as comprobacións pertinentes para determinar se os servidores de DNS que empregamos para acceder á Internet están sen parchear (o que na actualidade é o normal, pero que debería arranxarse a medio prazo para evitar ameazas de seguridade de distintas índoles).

O colexio asistea ao Foro de discusión do plan de estudos de grao en Enxeñaría en Informática

O colexio está a participar moi activamente en todos os foros e comisións relacionados co Espazo Europeo de Educación Superior.

Logotipo da Universidade de SantiagoMembros da Universidade de Santiago de Compostela (USC) reuníronse con representantes do CPEIG e das empresas do sector das Tecnoloxías da Información e da Comunicación (TIC) coa finalidade de que elas os asesoren na elaboración do plan de estudos do novo grao de Enxeñaría Informática, que se impartirá na universidade compostelá.

A UE escolle o modelo de Mancomún para o seu Observatorio e Repositorio de Software libre

O Observatorio e Repositorio Europeo de Software Libre (OSOR) reproducea estrutura de Mancomún como un "modelo de éxito".

O OSOR, que vén de ser presentado recentemente polo IDABC en Bruxelas, reproduceLogotipo de mancomun "mimeticamente" a estrutura de Mancomún como un "modelo de éxito" aplicado en Galicia dende hai máis de dous anos.

Esta estrutura baséase nun portal web que permite que tódalas institucións, organismos e persoas (a título individual) compartan o software libre que producen e intercambien os recursos e coñecementos que posúen da materia a través de servizos colaborativos e de observación tecnolóxica.