Beneficios colexiais

Video IX A Noite

Video Presentación CPEIG

Revista da Enxeñaría Informática

Libros do colexio

  • Historia da Informática en Galicia

Iniciativa do colexio

Boletin CPEIG

Apúntate ao boletín do colexio

Microsoft aposta polo galego

O fabricante de 'software' lanza parches para traducir Vista, XP e Office.

Foto do acto de presentación do proxecto de tradución ao galego dos produtos Vista, XP e OfficeCo obxectivo declarado de impulsar a difusión e o uso da lingua galega no ámbito as novas tecnoloxías, Microsoft, en colaboración coa Xunta de Galicia e a fundación Galega para a Sociedade do Coñecemento e INEO, lanzou senllos parches que permiten operar con dous dos seus sistemas operativos (XP e Vista) e co seu paquete ofimático, Office, no idioma de Rosalía de Castro.

Na actualidade, o 51,6% dos fogares galegos dispón de computador e o 32,3% conta con acceso a Internet, de acordo cos datos do Instituto Nacional de Estatística (INE). Con intención de aproveitar ese nicho, Microsoft realizou un importante esforzo de investimento para adaptar os seus últimos produtos de software á lingua galega. Para iso contou co imprescindible soporte da Secretaría Xeral de Política Lingüística da Xunta de Galicia, que achegou asesoramento en cuestións lingüísticas e de terminología, e colaborou na avaliación das primeiras versións das interfaces nesta lingua.

O sector das tecnoloxías da información e das comunicacións necesita xenerar mais I+D

Non está todo por facer no sector das TIC en Galicia, cunha taxa aceptable de crecemento, pero queda moito camiño por percorrer e resulta necesario xenerar mais I+D.

Terceira sesión do foro “Galicia na sociedade do coñecemento" Velaí unha das conclusións do foro de debate "Galicia na sociedade do coñecemento" que finalizou esta tarde no Consello da Cultura Galega e que abriu o camiño a outros cinco -o do mes de maior aanalizará críticamente a paisaxe- cos que, ao longo do ano, a institución conmemorará os seus 25 anos (1983-2008).

Máis dun terzo dos portais autonómicos presentan deficiencias en materia de usabilidade

Un informe destaca a web de Asturias como modelo a seguir. Aragón, Valencia, Canarias, Cantabria, Estremadura e Castela A Mancha "necesitan evolucionar".

Logotipo de Biko2Asturias ten o portal máis preparado non só para ofrecer servizos e transaccións en liña aos seus cidadáns, senón que tamén é o que ten unha información máis fácil de atopar, atende con máis eficacia ás consultas dos internautas, e non se esquece de usar a súa web como unha fiestra de promoción da comunidade para os visitantes doutras zonas. A web de Asturias é o modelo a seguir en canto á presenza dos gobernos autonómicos en Internet, segundo as conclusións do informe realizado pola consultora tecnolóxica Biko.

Informática de Xestión, no campus de Ourense, é a que ten menos porcentaxe de ocupación, un 40%

Este curso quedaron 500 vacantes nas carreiras con límite de prazas. No 2001, un total de 121 estudos tiñan unha nota de corte mínima, e no curso 2007-08 só consérvana 83.

Escudo da Universidade de VigoInformática de Xestión, no campus de Ourense, é a que ten menos porcentaxe de ocupación, un 40%.

Cada vez menos titulacións manteñen unha nota de corte para acceder a elas. Durante este curso son 83 carreiras, fronte a 72 que non presentan barreiras. Aínda así, en moitos estudos cun límite de prazas seguen quedando vacantes. Este ano foron medio milleiro (498) distribuídas en vinte titulacións. Enxeñería Informática de Xestión no campus de Ourense é a carreira na que sobraron máis prazas, 87 das 145 que oferta. En Enxeñería de Telecomunicacións de Vigo quedaron sen cubrir 44 das 110, e en Dereito Económico Empresarial, por exemplo, 32 de 125.

O colexio preséntase a Coremain

As dúas entidades expuxeron as súas actividades e obxectivos, así como a inquedanza ante as últimas novas aparecidas en distintos medios de comunicación sobre a situación laboral no sector.

Seguindo coa rolda de presentacións do CPEIG ás principais empresas TIC da comunidade, membros da Xunta de Goberno do colexio mantiveron unha reunión co Xerente de COREMAIN, Manuel Balseiro e coa Xerente de Recusos Humanos, Ana Álvarez.

Logotipo de CoremainNeste sentido Balseiro explicou que non hai un recoñecemento monetario nos servizos de informática e as consultoras teñen que funcionar con marxes reducidos. O presidente do CPEIG indicou que unha das funcións do CPEIG é impulsar o recoñecemento da figura do enxeñeiro en informática e a necesidade de visar proxectos en TI. Tamén propuxo que o enxeñeiro/a en informática evoluciones desde o perfíl máis que técnico cara as capaceidades de dirección e xestión.

O decano e o vicedecano de Relacións coa Industria da Facultade de Informática de A Coruña reciben ao CPEIG

Na xuntanza debatiuse sobre a situación actual das dúas institucións e a necesidades de colaboración entre as mesmas.

Logotipo da Universidade da Coruña

Un dos puntos principais foi a adaptación dos plans de estudos ao Espazo Europeo de Educación Superior (EEES). Neste apartado o decano especificou as directrices que vai seguir a UDC para tratar os títulos de grao. Os representantes da facultade aceptaron a proposta do CPEIG para colaborar coa comisión asesora da Xunta de Facultade para dirixir o proceso.

O CPEIG celebra dúas asembleas xerais

O pasado sábado 29 de marzo dúas asembleas xerais, unha ordinaria e outra extraordinaria. Os actos tiveron lugar no Auditorio de Galicia en Santiago de Compostela.

Fotografía das asembleas 2008 (informe do estado co colexio 1)Fotografía das asembleas 2008 (votación dos estatutos)

Durante a asemblea extraordinaria os colexiados/as aprobaron unha serie de modificacións sobre estatutos do colexio para permitir a finalización do proceso de tramitación que concluirá coa constitución formal e legal do colexio.Fotografía das asembleas 2008 (informe do estado do colexio 2)

Na asemblea ordinaria os membros da Xunta de Goberno expuxeron a situación actual do colexio e as actividades desenvolvidas durante os tres primeiros meses de vida do mesmo. Así mesmo, nesta asemblea tamén se aprobaron as contas do colexio logo de aplicar unha modificación suxerida polos colexiados/as, así como os orzamentos para o ano 2008 e as cotas de colexiación.

Representantes do colexio pariticipan nunha reunión do Clúster TIC

A reunión tiña como obxectivos determinar as posibles liñas de actuación para orientar a tipoloxía de proxectos que van a ser valorados polo clúster.

Entre os proxectos que está a valorar o clúster poden destacarse a dinamización do mercado e do contorno profesional, a formación, a difusión, o desenvolvemento de planes estratéxicos, a internacionalización do clúster, o fomento da interrelación e da cooperación entre as empresas e o desenvolvemento de marcas de calidade.

A escaseza de informáticos en Galicia deixa sen cubrir preto de 400 empregos cada ano

O principal problema é, segundo membros do recentemente creado CPEIG, a ausencia dunha regulación da profesión.

Jesús RodríguezSegundo un informe publicado por Tecnocom en colaboración coa Asociación de Enxeñeiros en Informática de Galicia (AEIG), e recollido nos medios La Opinión A Coruña e Faro de Vigo, a demanda superou en 2007 os/as 751 profesionais, pero das universidades galegas saen en cada promoción 430 titulados/as. O intrusismo e os baixos salarios fomentaron, ademais, unha masiva fuga de talentos.

O presidente da AEIG e membro do CPEIG, Jesús Rodríguez, denuncia unha certa falla de cultura tecnolóxica que distorsionou o mercado durante os últimos años.

O colexio reúnese coa Escola Técnica Superior de Enxeñaría de Santiago

Entre outros temas, abordouse a participación do colexio nos distintos comités que están a taballar na elaboración dos plans de estudos para a adaptación dos memos ao EEES.

Logotipo da Universidade de SantiagoO CPEIG ven de participar nunha reunión con representantes da Escola Técnica Superior de Enxeñaría de Santiago, na que presentou os seus obxectivos, actividades e situación actual.

O director da escola, Juan Lema, expuxo a súa inquedanza pola falta de atribucións da profesión e polas futuras titulacións, expoñendo as principais modificacións que van a sufrir en todo o que atinxe a competencias, entendidas éstas como os coñecementos, habilidades, actitudes e responsabilidades que describen os resultados do aprendizaxe dun programa educativo.