Vídeo 10 aniversario

Beneficios colexiais

Revista da Enxeñaría Informática

Libros do colexio

  • Open DATA e RISP

Iniciativa do colexio

Boletin CPEIG

Apúntate ao boletín do colexio

O CPEIG convoca o Premio Fin de Carreira e Máster en Enxeñaría Informática cunha dotación económica de 1.000 euros

Os tres finalistas, seleccionados por unha comisión experta, beneficiaranse dun ano de colexiación gratuíta. Poderanse presentar traballos ata o 10 de maio e o premio entregarase no marco da "Noite da Enxeñaría en Informática de Galicia", que se celebrará o 15 de xuño en Santiago de Compostela
IX Premio Fin de Carreira/Máster

O Colexio Profesional de Enxeñaría en Informática de Galicia (CPEIG) convoca a novena edición do Premio Proxecto Fin de Carreira e Máster en Enxeñaría Informática. O galardón quere ser un estímulo para os estudantes e recentemente titulados en Enxeñaría en Informática ou Máster en Enxeñaría Informática. 

Tal e como se recolle nas bases do certame, poden concorrer ao premio todas aquelas enxeñeiras e enxeñeiros en informática que presentaran nunha universidade galega o proxecto fin de carreira da Enxeñaría en Informática ou o traballo fin de Máster en Enxeñaría Informática nos anos 2016, 2017 e 2018. Aqueles estudantes que queiran optar ao premio do CPEIG poden remitir a documentación precisa  (ficha resumo do proxecto, resumo  e memoria completa do mesmo) ata o día 10 de maio ao seguinte enderezo electrónico: informacion@cpeig.gal. As bases e o formulario para presentar a candidatura están xa dispoñibles no portal www.cpeig.gal.

O CPEIG colabora activamente na xornada "A era tecnolóxica" que se celebrará o 16 de marzo en Santiago

Era tecnolóxicaO vindeiro 16 de marzo celebrarase en Santiago de Compostela unha intensa sobre tecnoloxía e mulleres, titulada “A era tecnolóxica: un desafío para as empresas e os seus líderes”, que organizan de forma conxunta AUDICON e a Asociación para el Progreso da Dirección (APD) e coa colaboración activa do noso colectivo, o Colexio Profesional de Enxeñaría en Informática de Galicia (CPEIG), Executivas de Galicia, Mindset, e Valora Consultores. A xornada terá lugar no Auditorio Abanca (rúa do preguntoiro, 23), entre as 9:00 e as 14:30 horas. 

Fernando Suárez moderará unha mesa sobre cidades seguras no encontro CIMS Gal 2018 o 14 de marzo na Cidade da Cultura

CIMS Gal 2018O CPEIG colabora no encontro CIMS Gal 2018, organizado pola Xunta de Galicia, Axencia para a Modernización Tecnolóxica de Galicia (Amtega), Axencia Galega de Innovación (GAIN) e Cluster TIC Galicia. O evento celebrarase o vindeiro 14 de marzo na Cidade da Cultura. O presidente do CPEIG, Fernando Suárez, moderará unha mesa redonda sobre cidades seguras. Máis información e inscricións en http://cimsgal2018.gal/

O CPEIG recomenda á sociedade galega un uso responsable de internet

No Día Internacional de Internet Segura, que se conmemorou o 6 de febreiro, aconsella protexer os datos persoais durante as transaccións e compras online e incorporarse á cultura da protección de datos
Día de Internet SeguraCon motivo do Día Internacional de Internet Segura –coñecido tamén como o Safer Internet Day–, promovido pola Comisión Europea e organizado por Insafe o 6 de febreiro, o Colexio Profesional de Enxeñaría en Informática de Galicia (CPEIG) considera de vital importancia que a sociedade galega faga un uso responsable e seguro das novas tecnoloxías. Segundo advirte o lema desta efeméride en 2018, “Crea, conecta e comparte respecto: unha internet mellor comeza contigo”, o CPEIG intenta transmitir esta mensaxe especialmente aos menores e a mocidade, tal e como versa o contido do programa “Navega con Rumbo” posto en marcha xa hai sete anos co Consellería de Educación. 

O CPEIG colabora no IV Congreso Ciudades Inteligentes que organiza SESIAD os días 30 e 31 de maio en Madrid

Xa está aberto o prazo de presentación de Propostas de Comunicacións e Proxectos de Cidades Intelixentes para mostrar as iniciativas que se están desenvolvendo no noso país. Pódense presentar as propostas para participar no IV Congreso Cidades Intelixentes ata o 20 de marzo 2018
Ciudades inteligentes
 O Comité Técnico vea pola calidade, representatividade e diversidade do programa do Congreso. En concreto: define as temáticas para o chamamento de Comunicacións e Proxectos, avalía e selecciona as Comunicacións para os relatorios orais, e a publicación das mesmas no Libro de Comunicacións e Proxectos ademais de en liña; propón e decide os Relatorios Maxistrais, e temáticas das Mesas Redondas, ademais de participar e facer achegas á propia dinámica do Congreso. 

O CPEIG impartiu unha charla sobre navegación na rede para alumnos de Primaria do centro Pilar Maestú Sierra da Pobra

Gabriel Ferreiro, docente: “Non fagas en internet nada que non farías na vida real”. Organizada pola Anpa Cadreche, celebrarase ás 16:00 horas no colexi
Navega con RumboO Colexio Profesional de Enxeñaría en Informática de Galicia (CPEIG) impartiu o 31 de xaneiro, unha charla de balde no Centro de Estudos Profesionais (CEP) Pilar Maestú Sierra da Pobra do Caramiñal (Lugar Cadreche, s/n. Posmarcos), sobre a navegación en internet. A charla, organizada pola Anpa Cadreche, celebrause no propio colexio.
A xornada informativa, dirixida a alumnos de 4º, 5º e 6º de Primaria, pais, nais, titores e profesores, organízase con motivo do Día Europeo da Protección de Datos –efeméride que se conmemorou o 28 de xaneiro, promovida polo Consello de Europa, a Comisión Europea e todas as autoridades de protección de datos dos países membros da Unión Europea–. Estivo impartida polo colexiado Gabriel Ferreiro. O experto explica que internet é un mundo cheo de posibilidades para “aprender, divertirse e comunicarse”, pero usándoo con sentido común.

O CPEIG e a Consellería de Educación convocan o segundo concurso literario infantil e xuvenil sobre a protección de datos

Alumnos de 5º e 6º de Primaria e da ESO presentaron os seus traballos ata o 28 de febreiro. O certame organízase con motivo do Día da Protección da Datos, que se conmemorou o 28 de xaneiro en toda Europa
decimo aniversario

O Colexio Profesional de Enxeñaría en Informática de Galicia (CPEIG) e a Consellería de Cultura, Educación e Ordenación Universitaria convocan o II Concurso literario infantil e xuvenil sobre a protección de datos, dirixido a nenas e nenos de 5º e 6º de Primaria e alumnos e alumnos de 1º a 4º de ESO en centros escolares. O certame organízase con motivo do Día Europeo da Protección da Datos, que se conmemorou o 28 de xaneiro.

Ambas as dúas institucións consideran de moita importancia que a sociedade galega tome conciencia da necesidade de incorporarse á cultura da protección de datos, nomeadamente os menores de idade. Sinalan que actualmente cómpre promover o coñecemento entre a cidadanía sobre cales son os seus dereitos e responsabilidades en materia de protección de datos.

O CPEIG impartiu unha charla sobre as redes sociais e internet no CEIP Noalla-Telleiro de Sanxenxo

O colexiado Iván Luis analizou as vantaxes e perigos do mundo dixital, ademais de ofrecer aos escolares e aos pais e nais recomendacións para unha navegación segura. A xornada, que foi de balde, celebrouse na biblioteca do centro escolar, organizada polo propio colexio, a Anpa O Telleiro e a Asociación de Veciños San Esteban de Noalla
Noalla_TelleiroO Colexio Profesional de Enxeñaría en Informática de Galicia (CPEIG) impartiu o 25 de xaneiro unha charla de balde no CEIP Noalla-Telleiro (Estrada. da Lanzada, 140. Noalla), do Concello de Sanxenxo, sobre as “Redes sociais e internet: vantaxes e desvantaxes”. A charla, organizada polo colexio, a Anpa O Telleiro e a Asociación de Veciños San Esteban de Noalla, celebrouse na biblioteca do centro escolar.  
A xornada informativa, dirixida a escolares, pais, nais ou titores, organízase con motivo do Día da Protección de Datos –efeméride que se conmemora o 28 de xaneiro, promovida polo Consello de Europa, a Comisión Europea e todas as autoridades de protección de datos dos países membros da Unión Europea–, e estará impartida polo colexiado Iván Luis Vázquez. O experto analizou a evolución da sociedade, “unha máis dixital que cambia os seus costumes para comunicarse”, e onde xorden termos como o nativo dixital ou os nacidos a partir de 1980 e o inmigrante dixital ou aquelas persoas que naceron entre 1940 e 1980.  

O CPEIG e Educación colaboran para afianzar as competencias matemática e científica entre o alumnado

Renovan un ano máis as iniciativas “Navega con Rumbo” e “Programación nas Escolas”, que chegarán a aproximadamente a 250 centros escolares
Renovación Navega con rumboEsta actividade responde a unha das liñas estratéxicas  da Consellería, que é reforzar as vocacións STEM entre os rapaces, materializada na Estratexia de Educación Dixital 2020

O presidente do Colexio Profesional de Enxeñaría en Informática de Galicia (CPEIG), Fernando Suárez, e o conselleiro de Cultura, Educación e Ordenación Universitaria, Román Rodríguez, asinaron a renovación do acordo para continuar cos programas “Navega con Rumbo” e “Programación nas Escolas”, co fin de axudar a mellorar as competencias dixitais dos estudantes así como a desenvolverse dun xeito máis seguro no ámbito tecnolóxico.

Lucía Rodríguez Peña, de once anos, gañadora do Concurso de Postais do CPEIG

Empregaremos o debuxo premiado como a felicitación institucional do CPEIG para estas festas
postal 2017

A nena de once anos de idade Lucía Rodríguez Peña, filla do colexiado Manuel Rodríguez Salgado, resultou gañadora do Concurso de Postais do Colexio Profesional de Enxeñaría en Informática de Galicia (CPEIG) na edición deste ano.

Lucía Rodríguez recibirá un kit de robótica como premio ao seu traballo, unha postal que imita unha tableta co editor gráfico Paint e na que destaca a figura de Papa Noel como elemento principal, acompañada da frase “Bo Nadal 2017”. O CPEIG empregará a postal de Lucía como a felicitación oficial para estas festas.